March 31, 2023

पुष्प व्यवसायको व्यवसायिक प्रर्वद्धनका लागि यस बर्ष फ्यानको आयोजना तथा पुष्प बिकास केन्द्रको सह–आयोजनामा २०७९ चैत्र १७ गते देखि २० गते सम्म “स्वच्छ वाताबरण र आर्थिक सम्बृद्धिको लागि पुष्प व्यवसाय” भन्ने मूल नाराका साथ २४ औं फ्लोरा एक्स्पो २०७९ को आयोजना भृकुटीमण्डप प्रर्दशनी हल काठमाण्डौमा भव्यता र सफलता पुर्वक सम्पन्न भएको छ । यस मेलालाई नेपाल उद्योग बाणिज्य महासंघ, टेकु काठमाण्डौ र कृषि तथा पशुपन्छी बिकास मन्त्रालय सिंहदरवार, काठमाण्डौं को सहयोग तथा सहकार्य रहेको थियो । साथै मेलालाई बिभिन्न संघ संस्था तथा व्यक्तिहरुले प्रायोजक संस्थाको रुपमा रही सहयोग गरेको थियो ।
मेलाको समुदघाटन माननिय उपप्रधान एवं भौतिक पूर्वाधार तथा यातायात मन्त्री नारायणकाजी श्रेष्ठ ज्यूको प्रमुख आतिथ्यतामा सम्पन्न भएको थियो । २०७९ चैत्र १७ गते शुक्रबार बिहान ११.०० बजे उद्घाटन गरि सुरु भएको २४ औं फ्लोरा एक्स्पो २०७९ चैत्र २० गते सोमबार सम्म संचालन भएको थियो । उक्त पुष्प प्रदर्शनीमा सर्वसाधारण देखि उच्च सरकारी अधिकारी तथा कुटनैतिक नियोगका उच्च पदस्थ अधिकारीज्यूहरु साथै स्वदेश तथा बिदेशी दर्शकहरुबाट मेला अवलोकन भएको थियो ।मेला अवधि भरिमा लगभग ३९ हजार भन्दा बढि दर्शकहरुबाट मेला अवलोकन भएको थियो । मेला उद्घाटनको दिन दिनको १ बजे पछि मौसम अनुकुल नहुदा दर्शकको उपस्थिती कम रहे पनि दोस्रो दिन देखि दर्शक तथा अवालेकन कर्ताहरुको उपस्थिती उल्लेख्य रहेको थियो । दर्शकको बाक्लो उपस्थितीसंगै फूल तथा बोट बिरुवाहरुको बिक्री बितरण पनि उत्तिकै मात्रामा भएको थियो । चार दिनसम्म संचालन भएको मेला अवधि भरि एक करोड सात लाख भन्दा बढिको पुष्प तथा पुष्पजन्य बस्तुको कारोबार भएको थियो ।
२४ औं फ्लोरा एक्स्पोले पुष्प व्यवसायमा लाग्न चाहनेहरुको लागि पुष्प खेती सम्बन्धि आधुनिक खेती प्रबिधीको जानकारी गराउन सघाएको छ । राष्ट्रिय तथा अन्तारष्ट्रिय पुष्प उत्पादक थोक बिव्रmेता खुद्रा विव्रmेता तथा उपभोक्ताहरुलाई एउटै छहारीमा जमघट गराइँ व्यवसायीक छलफल सुचना आदान प्रदानमा सघाउ पु¥याएको छ । व्यवसाय गरि रहेको पुष्प व्यवसायीहरुको लागि उपभोक्तको माग अनुसारको फुल विरुवा उत्पादन गर्न, बजारीकरण गर्न, आवश्यकता अनुसार व्यवसायलाई अघि बढाउन थप सहयोग पु¥याएको छ । नेपालमा प्राप्त हुन सक्ने विभिन्न प्रकारका फूल बिरुवाहरुको बारेमा जानकारी गराउन सघाउ पु¥याएको छ । मेलाले देश भित्र भईरहेको व्यवसायीक गतिविधि, पुष्प खेती प्रणालीमा भईरहेको सुधार, बजारीकरणको स्थिति आदिबारे सुसुचित गराएको छ । कोभिडका कारण बिगत दुई बर्ष सुस्ताएको फूलको व्यवसायीक बजारलाई पुनः फर्काउन सघाउन पु¥याएको छ । यो मेलाले पुष्प व्यवसायीहरुलाई पराम्परागत तरिकाबाट आधुनिक कृषि प्रणाली तर्फ अग्रसर हुनलाई समेत मार्गदर्शन गरेको छ । मेलामा पुष्प व्यवसायमा प्रयोगमा आएको आधुनिक प्रबिधीको समेत प्रदर्शन गरिएको कारण प्रत्यक्ष रुपमा क्रेता बिक्रेताहरु बीच संबाद तथा सहकार्यका लागि समेत यो मेला सहयोगी रहयो । मेलामा मौसमी फूल, आलंकारिक बोट बिरुवा कट फ्लावर, सुनाखरी, कम्पोष्ट मल, फूलको बल्ब, बिउ बिजनहरु, कृषि औजार उपकरणहरु प्याकेजिङ्गका सामग्रीहरु, गमला, सुक्ष्म तथा थोपा सिचाई प्रबिधी आदिको प्रदर्शनी तथा बिक्री कक्ष रहेका कारण सबै खाले उपभोक्ताहरुलाई फाइदा पुगेको छ । नेपालको फूलविरुवाहरुलाई निर्यातमुखी बनाउनको लागि अप्नाउनु पर्ने विविध क्षेत्रहरुको खोजी, प्रत्यक्ष जनसम्पर्क, ज्ञान र सिपको आदान प्रदान गर्न सकिने भएको हुँदा पुष्प प्रदर्शनी तथा व्यापार मेलाको आयोजना महत्वपूर्ण रहि आएको छ । व्यापार मेला÷प्रदर्शनीको माध्यम बाटै संभावीत स्वदेशी तथा बिदेशी लगानीको वातावरण सृजना गर्न, पुष्प तथा पुष्पजन्य बस्तुको व्यवसायिक गतिविधि, फूल बिरुवाहरुको गुणस्तरमा सुधार, नयाँ नयाँ प्रकारका फूलहरुको प्रबेश, आवश्यक सेवा सुबिधा जस्ता बिषयमा जनचेतना अभिबृद्धि गरि पुष्प व्यवसायीक उद्योगलाई थप उचाईमा पु¥याउन समेत महत्वपुर्ण सघाउ पु¥याएको छ ।